廢話一則

好耐冇update

最近又肥咗

又懶得做運動

始終都係逃唔過「能醫不自醫」嘅魔咒

無奈～～

這一刻

當你喺一間已經電腦系統化嘅醫院做工，

其他化驗結果已出，

而你等梗嗰個就咁：

你又好想早啲返屋企，

你唯有可以做嘅係⋯⋯

不停咁撳住F5（即係Refresh）⋯⋯

新城

離開地面上千尺嘅上空，

窗外猶如仙境般嘅白雲，

遠望同蔚藍上空成對比嘅南海，

地面上一片片綠油油嘅椰子林，

呢度就係南海一角嘅新城...

（其實又唔係好新遮）

你有可能會⋯

某個風和日麗嘅晏晝，我忙梗睇病嘅時候，偶然間從隔離傳嚟一段聲音：

「你有可能會中風」

「你有可能會認唔到自己」

「你有可能會認唔到家人」

「你有可能會唔識返屋企」

「你有可能會蕩失路」

bla bla bla⋯⋯

我心諗，雖然我唔知你講梗乜，亦唔知你counsel梗乜，

你其實會唔會係喺度恐嚇梗病人呢？

你決定

有時好多人都會以為我哋嘅父母仲好後生，好壯健，但係我哋好次並冇諗過，人總是會衰老嘅一日。人總是會逝去。
有人會諗過呢樣嘢，咁梗係好喇。
但係有冇人諗過，當人嘅健康不再，但又死不去嘅時候，會點呢？
又或者當人已經失去語言能力，又無法表達佢哋嘅意願，又會點呢？
到咗嗰陣時，人又會唔會諗返如果自己仲可以預先做出決定，決定自己以後要行嘅路，要點樣嘅醫療方式，唔駛人哋幫自己做決定，又或者唔想人哋決定自己唔願意接受嘅治療，有幾好呢？
就好像捐贈器官咁，自己想捐就可以捐。以後等到真係死咗，只要你有一張捐贈咭在身，醫生就可以依照你意願，將你嘅器官移植畀有需要嘅人。
其實，人係有能力自己做決定自己想要接受嘅治療，就算你已經失去意識都好，只要你有通其他人，尤其係自己嘅屋企人講過，你係有能力做出呢個決定嘅。

呢個係星加坡嘅宣傳片。馬來西亞雖然仲未立法確立呢樣嘢，但係如果你有決定過，醫生都會尊重你／佢嘅決定嘅。

無題

身陷流沙，

就算拼命掙扎，

越是於事無補，

只怕越陷越深⋯⋯

回首一望，

掛念昔日，

盼望明日更好。

超人老竇

老竇始終都係老竇，唔係必要時都係唔會喺個仔面前顯示自己身體狀況日漸衰退嘅一面，撐得一日得一日。
阿仔始終係阿仔，總是以為自己嘅老竇永遠都係超人，唔會老嘅。
當有一日發覺老竇真係老到咁多時，無論自己有幾巴閉，始終都係手騰腳震，拜神唔見咗隻雞咁。

原來老竇真係老咗咁多⋯⋯